ओल्या सांजवेळी
ओल्या सांजवेळी
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
30
आली सांज नव्यानेच
सौंदर्याने भरलेली
जरा थोडी ओली ओली
डोळ्यातून लाजलेली ||१||
माझ्या मनी मिलनाच्या
साऱ्या इच्छा आसावल्या
नयनात जागेपणी
स्वप्नकळ्या नादावल्या ||२||
मंद वारा मुका जरी
गीत गाई अबोल्याने
उसळत्या मैफिलीत
सूर छेडिले नव्याने ||३||
निळाईची निलांबरी
अवतरे पृथ्वीवरी
नटवर निशीकांत
नीशा हासे चराचरी ||४||
अशा ओल्या सांजवेळी
निळ्याशार नभाखाली
उभी मग्न नदीकाठी
तुझ्या छत्र छायेखाली ||५||