नव्या युगाचा सूर्य

गतकाळाची पाने उलटून

अनिष्ट प्रथा उखडून टाकू

नवक्षितिजावर आव्हानात्मक

आयुष्याचे पाणी चाखू.......||१||

उगवला नव्या युगाचा सूर्य

उत्कर्ष हा नवचैतन्याचा

ज्ञानोपासक भारत घडवू

आशावादी नवं प्रकाशाचा........||२||

नव्या दमाचा तेजवर्धक

नवतरूणांचा भाग्यविधाता

सृष्टीचा तू पालनकर्ता

सोनपिवळ्या किरणांचा दाता.....||३||

नव पिढीला देत दिलासा

उगवला नव युगाचा सूर्य

मानवा, झटकून सारी मरगळ

जागव आता तुझा कर्मसूर्य.....||४||