लाइब्रेरी
प्रोफाइल
नाते जन्मांतरीचे
नाते जन्मांतरीचे
1 min
461
गंध मातीचा
स्पर्श तो दवबिंदूला
उदात्त सूर्यकिरण
साद घालती धरणीमातेला
ऐसे असावे आपुले
नाते जन्मांतरीचे!
सागराच्या ओढीने
नदी वाहे दुथडीने
तृप्त व्हावे जगताना
तुझ्या सवे नांदताना
भव्यता येवो आपुल्या
जन्मांतरीच्या नात्याला!
मंदिरातल्या ज्योतीला
दंडवत तिच्या भक्तीला
निष्ठेने सांभाळून घराला
वाहून नित्य स्वत्वाला
स्वप्नवेडी मी जपते
जन्मांतरीच्या नात्याला
तुला काय हवे,
मला ठाऊक नसावे
खंत इतुकीच रे
समजून तू घ्यावे
भगवंत तू भक्त मी व्हावे
पावित्र्य येई जन्मांतरीच्या नात्याला!
