मोबाईल

काळाची अशी कशी झडप

संदेशाची पाने झाली गडप

ओढ वर्षाची नयनी वाट

हरपले चार ओळीचे माप || १ ||

टेलिफोन रिंग वाजता जोरात

कुतूहल बोलून मग तोरात

संदेशाची नवी युक्ती दारात

कसे कानी ऐकू येत ||२||

नव्या तंत्राने उडली झोप

हाती आला मोबाईल फोन

मेसेज पॅक मारून मग

रात्र जागी वेडं मन ||३||

फेसबुक मैफिल कधी तरी

चॅटींग नावाचं आले फॅड

इंटरनेट च्या जाळ्यात फसून

अभ्यास सोडून लागले वेड ||४||

व्हाॅट्सअॅप चा झाला कॅन्सर

सेल्फी नामाचा झाला उद्धार

जना मोबाईल च्या बेडीत

गप्पा गुंडाळून पडला विसर ||५||