लाइब्रेरी
प्रोफाइल
मन माझे
मन माझे
1 min
503
शब्दांचे बंधन नको माझ्या भावनांना।
शब्दांची मर्यादाही नको माझ्या भावनांना।
।
मुक्त उडू दे गगनात माझ्या कल्पनांना।
घेवू दे शब्दात झेप माझ्या कल्पनांना।
।
हलक्या असाव्या कापसापरी माझ्या वेदना।
वाहून जावू देत, आनंदाश्रूत माझ्या वेदना।
।
आशेच्या पंखाच्या बळावर उडती माझे स्वप्न।
निद्रेपार दोन डोळ्यात मावन नाही माझे स्वप्न।
।
भावना, कल्पना, वेदना, स्वप्नात वसती मन माझे।
रुणझुण गित गाऊनी डोलूदे अंबरी मन माझे।
