मी

माझ्यातला मी जोपर्यंत मरत नाही

तोपर्यंत मी माणूस ठरत नाही

मी म्हणजे मस्ती

कायमची धास्ती

मी पणाची नकोच

देहात या वस्ती

मी पणाची दुरी भरत नाही

मी पणात पत उरत नाही

मी पणाची मैत्री

सर्व सुखाला कात्री

मी पणात नाही

आयुष्याची खात्री

मी पणात ममत्व ठरत नाही

मी पणात माणूस तरत नाही

मी म्हणजे मानभंग

सर्व विनाशी सुरुंग

मी म्हणजे नशेची भांग

मी पणाचा नकोच संग

जेथे मी नाही तेथे सर्वकाही

साधू-संतात मी पणा दिसत नाही