मेरूमणी

सह्याद्रीच्या कडेकपारी 

सिंहगर्जनेचा नाद गुजला ;

अफाट बुद्धिचातुर्य- प्रतिभा

 घेऊन " मेरूमणी " जन्मला .

        राजमाता जिजाऊंनी 

        स्वातंत्र्यमार्ग दाखवला ;

        रायरेश्वरी शिवस्वराज्याचा 

         शपथेने विडा उचलला .

हर हर महादेवाचा गजर 

सह्याद्रीच्या कडेकपारी घुमला ;

एकेक शिवमावळा शंभर 

गनिमांना भारी पडला .

          खानाचा कोथळा काढून 

          प्रतापगडी केले दफन ;

         स्वराज्य गद्दाऱ्यांसाठी

          तयार असे कफन .

हयातभर जीवाशी खेळून 

छत्रपती शिवराय जगले ;

शिवपराक्रमाने दिल्लीचे 

बादशाही तख्तही डगमगले .

            करारी -भेदक नजर 

           रक्तातून वाहे लाल लाव्हा ;   

           मावळांतील प्रत्येकां वाटे

           व्हावे लढाऊ शिवछावा 

"शिवाजी महाराज की जय"

शिवघोष असे मुखी ;

सुगीच्या शिवकाळात

 रयत होती सुखी .