लेखणी

लेखणी

नवे काही लिहण्याचा

नवे काही शोधण्याचा

शोध घेतेय लेखणी

नव निर्मिती करण्याचा

किमान चार ओळी

लिहायच्या आहेत त्या

ठाव मनिचा घेतील

अचूक प्रत्येकाच्या त्या

साधं सोपं अन् सरळ

लेखण ते सहज व्हावं

माझं म्हणणं माझ्याकडून

समोरच्याच्या काळजास भिडावं

छंद आहे लिहण्याचा

लिखाण ते घडत रहावे

दोन माझ्या त्या शब्दाने

इतरांनीही व्यक्त व्हावे

नवे जुणे प्रकार सारे

लिखाण ते व्हावे असे

प्रत्येक शब्द मग जणू

भेटावे नव्यानेच जसे