लेक वंशाचा दिवा

मुलामुलींमध्ये का भेदाभेद तुम्ही करता ? ।

मुलींसाठी मनामध्ये का दुजाभाव धरता? ।।

क्षेत्र कोणते उरले जिथे नाही मुली ? ।

अवकाशातही मुलींनी गरुडझेप घेतली ।।

मुलांपेक्षा मुली काकणभर सरस आहेत ।

ध्येयपूर्तीची जिद्द मनाशी धरत आहेत ।।

मुलगा वंशाचा दिवा तर मुलगी पणती ।

दोन्ही घरात राहते सदासाठी मिनमिणती ।।

कर्तृत्वाने मुलगी मुलापेक्षा कमी नाही ।

वंशाचा दिवा म्हणायला काही हरकत नाही ।।