कविता म्हणजे

कविता म्हणजे मनातल सार काही 

कागदावर उतरताना लेखणी देते ग्वाही 

कविता म्हणजे दबलेल्या भावनांचा निचरा 

कधी कधी असतो बुरसटलेल्या विचारांचा कचरा 

कविता म्हणजे मनात कायम वळवळणारी गोम 

समाजातल्या धगधगत्या प्रश्नांचा सतत जळणारा होम 

कविता म्हणजे प्रेमवीरांची मंजूळ गाणी 

कधी थरथरणारी तर कधी प्रेमाची अधूरी कहाणी 

कविता म्हणजे तळपती तलवार 

 बसतो तिचा वर्मी अचूक वार 

कविता म्हणजे आपुलकीच घरकूल 

जिच्या कुशीत शिरून होता निरागस मूल