कविता असते जगण्याचाच भाग

कविता देते आत्मभान जगण्याचे

कविता गाते गीत मांगल्याचे

कविता असते नदीसारखी प्रवाही

कविता होते वेदनेचा हुंकार

कविता शिकवते साज शृंगार

कविता काढते कधी लाज

कविता उठवते चारचौघातून

कविता उतरवितेही माज

कविता बसवते संतांच्या पंक्तीत

कविता करते वसूल मुद्दलासकट व्याज

कविता जन्मते समाधी अवस्थेतील उर्मीतून 

कविता हसते, रडते, काळजाला भिडते

कविता पाझरते पानाफुलातून , देठा- देठातून

कविता भिनते नसानसात , मना - मनात 

कविता अन्याय ,अत्याचाराविरुद्ध बुलंद आवाज

कविता उलथवून टाकते निरंकुश राजसत्ता 

कविता करते सोबत सावलीसारखी

कविता ठरते टिंगल टवाळीचा विषय

कविता असते कधी एरंडाचा गुऱ्हाळ

कविता छळते ,चिडवते ,प्रेयसीसारखी 

कविता शोधते पूर्ववैभवाच्या खुणा

कविता सांगते दैदिप्यमान इतिहास

कविता पेरते मनात दुर्दम्य आशावाद

कविता असते जगण्याचाच भाग