कवडसा

एक कवडसा हृदयाच्या कप्प्यातील आठवणींचा 

जगण्यासाठी नवीन उमेद देणारा 

 एक कवडसा आशेचा 

हरवलेल्या मनाला 

उभारी देण्याचा 

एक कवडसा 

सुख दुःखावर मात करून 

जीवन आनंदाने व्यतित करण्याचा 

एक कवडसा 

जिद्दी प्रयत्नांचा 

अपयशाला नेटाने टक्कर देण्याचा  

एक कवडसा 

हव ते मिळविण्याचा 

शिखरावर पोहचूनही 

 जमिनीवर राहण्याचा 

एक कवडसा विज्ञानाचा

 बुरसटलेल्या विचारांवर 

मात करण्याचा

 एक कवडसा  

तिमिराकडून तेजाकडे जाण्याचा

 ज्ञानाची ज्योत पेटवण्याचा 

एक कवडसा मदतीचा

 तुमच्या माझ्या साथीचा 

 सर्वांगीण कल्याणाचा...