क्षण आनंदाचे

अजूनही डोळ्यापुढे

तेच सोनेरी क्षण

प्रत्येकाच्या मनामधे

भरे आनंदाचे क्षण

पास झाले स्पर्धापरीक्षा

लढत अटीतटीची

छान नोकरी मिळाली

मनी लहर खुशीची

आशिर्वाद देती मज

आई बाबा ताई

आनंदाश्रू डोळ्यांत

कसे दाटून येती

क्षण सौख्याचा आनंदाचा

गेलो भारावून सारे

पेढे ठेवले देवासमोर

घरात आनंदाचे वारे

कधी नाही विसरणार

आनंदाची ही लहर

चेहरे उजळल्यावर

आनंदाचा पाझर

असे आनंदाचे क्षण

मन व्यापून टाकतात

आता निवृत्ती नंतरही

डोळे भरुन येतात