कन्यादान...

हृदयाचा पाझर स्पंदनाची धडधड तू ,

डोळ्यांची आस श्वासांचे कारण तू ...

मुक्या मनाचे बोलणे रित्या स्वप्नाचे हसणे ,

अश्रुचे ही होईल गाणे तो सूर तू ...

पाण्यावरचे तरंग मनातले अभंग ,

स्वप्नातल्या गोडव्याचे हृद्यस्पर्शी सुगंध तू ...

अविरत झरणारी धार पारावरचा गारवा ,

पाड्यावरच्या आंब्याचा सुमधूर छंद तू...

बांबाच्या डोळ्यातली परी जपलेली उरी,

कन्यादानात दान केलेले काळीज तु...

दूराव्यातही सुखावलेली अश्रूतही हसलेली,

सृष्टीला निर्माण करणारी जगतजननी तू ...