कणव...!

स्त्रियांचं बर असत साड्यांची

अदला बदल करता येते

धोतर गेल्या पासून

पुरुषांची खूप पंचाईत होते

सणावारी स्त्रिया नशीबवान

दिवसानुसार रंग ठरवतात

पुरुष मात्र तेच तेच

करडे कपडे घालून मिरवतात

दाग दागिने मौज मजा

कोणतीच त्याची त्यांना नाही सजा

तो जरी असला राजा तरी

हट्टा समोर हात टेकतो होऊन खुजा

हीच किमया त्या विधात्याची

मक्कड बांधून सजविले अन

लगाम दिला स्त्री जातीला

जणू वेसण घालण्या पुरुषाला

आजही देव पावतो नवसाला

स्त्रिया बोलतात नवस सारे

फेडावे लागतात ते पुरुषाला

पण कणव येत नाही त्या देवाला

आता बंड पुकारावे वाटते

झुगारून ते सारे लगाम

बेभान होउनी उधळावे चौखूर

होउनी कायमचे बेफाम

होउनी कायमचे बेफाम....!!!