किती रंगला खेळ

इथेच आणि ह्या कचेरीत

मैत्रीचा जमला मेळ

सख्यांनो किती रंगला खेळ

रेशमी आपुली मैत्रबंधने

आपुलकीचे रंग गहिरे

त्या सर्वांचा जीवनावरी

ठसा उमटला एक

सख्यांनो किती रंगला खेळ

सहजी आपण जवळी आलो

गुजगोष्टींमधी रमून गेलो

कधी न कळले वर्षे सरली

निवृत्तीची ये वेळ

सख्यांनो किती रंगला खेळ

हसत-खेळत इथेच रमलो

सहज सखी-शेजारिणी झालो

उद्यापासूनी अंतर पडणे

वियोगाची ही वेळ

सख्यांनो किती रंगला खेळ

आठवांचे घट सवे घेऊनी

आता वळते नव वळणावरी

निरोप घेते साश्रू नयनी 

नवजीवनाची वेळ

सख्यांनो किती रंगला खेळ!!