किमया निसर्गाची

रखरखत्या उन्हात भिजले अंग घामाने|

मातीच्या ओलाव्याने रान झाले सुगंधाने||

किती उदात्त त्या निसर्गाची किमया न्यारी|

शितल छायेने मज आनंद उभारी||

पाखरांची शाळा जणू भरली झाडावर|

चिवचिवाट रान सारं प्रेम माझं निसर्गावर||

गारगार मनावर उंच डोंगर टेकडीचा अवतार|

वाट दुरवर दिसे पार बहरलेलं माझं शिवार||

मनाचे हे काहुर लेखणी शब्द आतुरले|

निसर्गाच्या सहवासाने प्रेम मज मुक्या प्राण्यांनी शिकवले||