किल्ले पुरंदर

शूर किती हा किल्ले‌ पुरंदर

धैर्याचा वाली हा धुरंधर

अफाट महिमा याच्या ठायी

किर्ती यांची सांगु मी कशी

शिवबाचा छावा येथे जन्मला,

येथे वाढला, येथे खेळला.

अखंड वेदना त्याने सोसल्या

नाही वाकला, नाही मोडला

स्वराज्य रक्षणासाठी,

पुरता मातीत मिळून गेला

स्वराज्य संकट आले जेव्हा

उभा ठाकला, पेटुनी उठला

शिवाज्ञा झाली तेव्हा

मुकाट शत्रुला स्वाधीन झाला

वाट पुन्हा त्या शिवरायांची,

या स्वराज्याच्या धन्याची

पाहु लागला, जगु लागला

अखंड यातना सोसु लागला

स्वकीयांचे हाल पाहु लागला

ओसाड प्रांत, बेहाल जनता

सोसणे हे झाले कठीण

कित्येक दिवस लोटुनि गेले

मन‌ही फार तुटून गेले

पुन्हा स्वराज्यात सामील झाला तेव्हा

आले गहिवरून सारे

आजवर जे त्याने सोसले

आयुष्याचे सार्थक झाले

आजही आहे उभा ठाकला

गर्जत आहे, पेटत आहे

गाथा या स्वराज्य लढ्याची

आजही तो सांगतो आहे

शुर असा हा किल्ले पुरंदर

धैर्याचा वाली हा धुरंधर

अफाट महिमा याच्या ठायी

किर्ती याची सांगु मी कशी