खेळ शब्दांचा

असे खेळ शब्दांचा सारा

नको त्यांचा उगाच पसारा

शब्द वापरावे जपून 

शब्द ठेवावे साठवून 

कधी हसवती कधी रडवती

प्रेमाचा वर्षाव शब्द करती

शब्दांनी नाती जुळती 

शब्दांनीच दुरावती

गोड,कटू,कठोर असे शब्द असती

शब्द घाव देती,शब्द साथ देती

शब्दांचा हा खेळ निराळा 

शब्दांचा नाद खुळा

शब्द सजवती मनीच्या भावना

शब्द जागवी मनी करुणा 

शब्द असावे आपुलकीचे 

नसावे ओठी शब्द द्वेष भावनेचे