जागर

देशभक्तीचा जागर 

मनामध्ये जागवतो 

देशप्रेमासाठी माझे 

तन मन राबवतो 

देशसेवा हेच व्रत 

आधारस्तंभ मानतो 

जगण्याची हौस मौज 

कुठे सैनिक जाणतो 

रणांगण मायभूमी 

युद्धभूमी ही प्रेयसी 

देशासाठी लढताना

ध्यास असतो उराशी 

देश आमचे दैवत 

राष्ट्र असे स्वाभिमान 

आम्ही देशाचे रक्षक 

याचा सार्थ अभिमान 

  

ऋणी आहोत मातेचे 

अनमोल दिला जन्म 

देश आणि भूमीसाठी

देह झिजवु आजन्म 

करू जागर भक्तीचा 

लढू देशहितासाठी

मरणाला ही पत्करु 

माझ्या प्रिय देशासाठी