हनुमानाचा सेवक...!

हनुमानाचा सेवक...!

अरे हनुमंता थांब करू नको त्वरा

करू दे मला थोडा आराम जरा

जंगलची रीत न्यारी देवा

अजूनही वाटतो मला हेवा

तिथे झाड फांदी बुडास होती

हाती तोंडी फळांची रास होत

कोसा कोसावर पाण्याची सोय होती

आडोशाला कडेकपारी मजबूत होती

नजरेत सारे आलबेल होते

मस्तमजेत जीवन सरत होते

आता देवा दिवस बदलले

सारे मनसुबे हवेत विरले

तू म्हणालास तेच खरे ठरले

आता जीवन नावा पुरते उरले

म्हणून म्हणतो थांब देवा

करू नको फुका कांगावा

भाकर तुकडा मिळतो का बघतो

मगच तुझ्याकडे दिमतीला येतो

चाकरी असली तुझी जरी

भाकरी लागते पोटास खरी

तुझं काय देवा नो हरी नो वरी

कटीस नेसून पीतांबर भरजरी

आमचं मात्र इथं स्वागत होत

हातात काठी घेऊन घरो घरी

म्हणून म्हणतो थांब जरा

करू नको उगा त्वरा.....!