हळवा श्रावण
हळवा श्रावण
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
39
आला हळवा श्रावण
नूर पालटला पावसाने
उन्ह पावसाचा सारीपाट
रंगला किती दिवसाने.
अवनीचा हिरवा शालू
फुलं माळलेली केसात
हिरवाईची वेल काय बोलू
बहरली रानात गावकुसात.
सणांची रेलचेल होईल
आनंद पसरेल गगनात
भावभक्तीचा पूर आता
चैतन्य फुलवेल मनात.
घन निळा श्रावण मास
व्रतवैकल्ये गोडाचे घास
हिरव्या सोनेरी स्वप्नामध्ये
हळव्या मोरपीसांचा भास.