हे स्वातंत्र्य?

ये आझादी झुठी I देश की जनता I

भुखी ती झोपता | हे स्वातंत्र्य ? ॥१॥

दगड हातात | भीमा कोरेगाव |

होतसे वर्षाव । हे स्वातंत्र्य ? ॥२॥

दिवसा ढवळ्या | मुडदे पाडती |

मोकाट फिरती I हे स्वातंत्र्य ? ॥३॥

जाळपोळ सदा I आपलीच करी I

जखम ती उरी I हे स्वातंत्र्य ? ॥ ४॥

भीकारी जगती I उघडयावर ती ।

तसेच मरती I हे स्वातंत्र्य ? ॥५॥

भेदभाव सदा | सर्वत्र होतसे I

गळी लागे मासे | हे स्वातंत्र्य ? ॥ ६॥

शेतकरी असा | कर्जात बुडला I

फासी लटकला | हे स्वातंत्र्य ? ॥७॥

महामानवांचा I पडला विसर |

नवस ते कर | हे स्वातंत्र्य ? ॥ ८॥

बुवाबाजीचा हा | धरता तो नाद I

घडतसे वाद | हे स्वातंत्र्य ? ॥९॥

खरा इतिहास I लपवला जातो |

गुलाम बनतो I हे स्वातंत्र्य ? ॥१०॥