हे रंग जीवनाचे

कसे मी ओळखावे

हे रंग जीवनाचे

कधी दुःख कधी सुख

सर्वच चाखायचे

गालावर त्या हास्य

सर्वांना शक्य नसते

दुःख ठेवून बाजूला

जगायचे असते

पेलून संकटांना सर्व

खूप शिकायचं असतं

या जीवनाला आपल्या

आपण घडवायचं असतं

हे रंग जीवनाचे

वेगवेगळे असतात

प्रत्येक रंगात आपण

खूप मिसळायचं असतं

जसा सुईधागा जोडून

दुःखाना टाचायचं असतं

तुटलेल्या जीवनाच्या

माळेला गुंफायचं असतं