हाण देवा
हाण देवा
1 min
1.4K
हाण पुन्हा हाण देवा हाण पुन्हा हाण
माह्या नशिबी तू फ़क्त दुःखच आन
मन भरे तुव्हा तोवरी वाकव ही मान
हाण पुन्हा हाण देवा हाण पुन्हा हाण
मी ही बघतो अंत या जीवाची आन
तुह्या माहयातली कर दुश्मनी महान
मी रे माही हाणतो तूबी तुहीच हाण
हाण पुन्हा हाण देवा हाण पुन्हा हाण
तू माह्या वैरी मीही तुह्या वैरीच जान
आता तू का मी बघू होऊदे घमासान
मीच जिंकेन माह्या जीवनाची शान
हाण पुन्हा हाण देवा हाण पुन्हा हाण