गरीबी

नाही धान्य घरी कशी 

टाकू चुलीवरती मग भाकर 

महागली आता आणू 

कशी चहासाठी साखर

पै- पैशाची चिंता

करतो घरचा धनी 

लेकरांच्या काळजीने रात्री

नाही लागत बाईची पापणी

येतो कधी दुरून कधी 

पंचपक्वान्नाचा वास 

पण आपले म्हणुनी नाही 

इथे कुणी आसपास

शहरात या बंगला, गाडी 

माणसांचीच सारीकडे गर्दी 

कधी धाक दाखवते त्या 

पोलिसाची खाकी वर्दी

नाय हाताले आज काम 

वाढते पोटातली भुकेची आग 

अंधारात गांधारी दिसते 

जेव्हा येते मले सकाळी जाग