गणपती बाप्पा

गणपती बाप्पा

बाप्पाला पाहताक्षणी

मनाचा लागतो शोध

गणपती बाप्पा माझा

मला देतो किती मोद

त्याच्या येण्याची उत्सूकता

मला लागते वर्षभर

तो आला वाजत गाजत

की उत्साह पसरतो घरभर

तयारी चाले आगमनाची

मग काम करी दिवसभर

त्याच्याकडे पाहून माझा

संपतो सगळा क्रोध

गणपती बाप्पा माझा

मला देतो किती मोद

अकरा दिवस चाले

त्याची पूजा आराधना

रोज वेगळा कार्यक्रम

रोज आगळा सामना

बाप्पा खुश व्हावा म्हणून

आम्ही सारे करतो साधना

उत्सवातील सेवा करून

कमी होतो सर्वांचा रोध

गणपती बाप्पा माझा

मला देतो किती मोद