गौराईच्या बाळा
गौराईच्या बाळा
गणपती बाप्पा मोऽऽरया, मंगलमूर्ती मोऽऽरया
ढोल व ताशांचा गजर हा झाला,
गणपती आज, मिरवत आला||धृ||
गौराईच्या बाळा, नाचवत वाळा,
गळ्यामध्ये तुझ्या या दुर्वांच्या माळा,
तुतारी वाजवू, गुलाल उधाळा,
आतिशबाजीचा कोट हा उडाला||१||
जयघोष केला, आभाळा भिडला,
मखरी बसला, हारांनी सजला,
मोदक फळांचा, प्रसाद मांडला,
पंचपक्वान्नांचे ताट भोजनाला||२||
लहान थोरांचा, नाचण्या-गाण्याचा,
दिन आनंदाचा, अन जल्लोषाचा,
उंदीर मामाही, येई गणेशाचा,
उधाण आलंय, आज उत्साहाला||३||
महामारी कशी, जीवघेणी झाली,
वेळ सा-यांवर, संकटाची आली,
देवा कृपा कर, तार या जीवाला,
गालबोट नको लागू दे सणाला||४||