एकच...

एकच चोरटा कटाक्ष

त्याचे अंतरंग खुलवितो

यौवन उर्मींना त्याच्या

पूनव बहर येतो

एकच नजरभेट

प्रीतीमोहोळ निर्मिते

मनातले सारे काही

सहज सांगून जाते

एकच प्रियाचा होकार

तिची सुखस्वप्ने साकार

मेंदीच्या ओल्या हाताला

सुखद प्रेमळ आधार

एकच तिचे सुहास्य

त्याचे मन उमलवी

प्रेमाची रंगीत कारंजी

थुईथुई नाचवी

अनेक "एकच" जीवनी येती

उभयता सहजचि उपभोगिती

वाळुपरि हातातून निसटती

झडकरि मनःकुपीत टाकती