एक दिवस
एक दिवस
1 min
370
एक दिवस बदलून पाहू या
आपण आपली रूपं
खरच कधी होईल का
बदलणं इतकं सोपं
आईची सहनशीलता येईल
का येईल समजूतदार पणा
कितीही संकट वेदना आल्या
येईल का तिचा ठामपणा
बाबांची कठोर भाषा येईल
का येईल निर्भिडपणा
काळजाला कितीही पडला पिळ
तरी नजरेत येईल का करडेपणा
ताईची जागा झाली निश्चित
जमेल का तिच्यातला आपलेपणा
इतरांच्या सुखात सुखावून जाण्याचा
जमेल का परिपक्वपणा
लहान भाऊ असतो लाडोबा
तरीही जमेल का मनमिळाऊपणा
लहान लहान म्हणूनसुद्धा
जमेल का मनाचा मोठेपणा