द्वेष

काव्यस्पर्धेत एकदा

मी सपशेल आपटले

क्रमांक मिळणे दूरच

उत्तेजनार्थही गमावले

प्रथम क्रमांक पारितोषिक

मैत्रिणीने पटकावले

अभिनंदन करण्याऐवजी

रुसून घरी परतले

हे असे झालेच कसे?

मनात द्वेष उफाळला

तिलाच का पहिला नंबर?

माझा नंबर कसा गेला?

थोड्या वेळाने मीनल

माझ्या घरी आली

नाराज नको होऊस

मैत्री आपली भली

गोरामोरा चेहरा

तिने केला हसरा

द्वेष काढला मनातून

दिला सुगंधी गजरा