दीपस्तंभ
दीपस्तंभ
भोसले घरी रत्न जन्मले ;
नाव तयाचे शिवाजी ठेवले .
सुसंस्काराचे बाळकडू राजमातेने पाजले;
शूरविरांच्या शौर्यकथांनी बालपण सजले.
सह्याद्रीच्या दऱ्याखोऱ्यातील मावळे जमले;
रायरेश्वरी स्वराज्याचे व्रत घेतले .
तोरणा जिंकून तोरण बांधले ;
स्वकीय शत्रूंना वठणीवर आणले.
लोकांमध्ये स्वातंत्र्याचे बीज पेरले ;
सुल्तानशाहीचे अन्याय-अत्याचार झुगारले.
बलाढ्य अफजलखानास प्रतापगडी फाडले;
सय्यद बंडाचे वार जीवाजीने झेलले .
पन्हाळगडी सिद्दीच्या वेढ्यात सापडले ;
घोडखिंडीत बाजीप्रभूने रक्त सांडले .
लालमहाली शाहिस्तेखानाची बोटे कापले;
पुरंदरी मुरारबाजी त्वेषाने लढले .
बादशहाच्याभेटीसाठी आग्र्याला गेले ;
कपटी औरंगजेबाने नजर कैद केले.
मिठाईच्या पेटार्यातून पसार झाले;
कोंढाण्यावर तानाजीचे श्वास थांबले.
हर हर महादेवाचा गजर दरी -खोरी गुजले ;
गनिमी काव्यापुढे भलेभले नमले .
रायगडी राज्याभिषेकाचे औक्षण लावले;
हनुमानजयंतीस शिवरायांचे निर्वाण झाले.
रयतेच्या कल्याणासाठी स्वराज्य निर्मिले ;
जगभर शिवकिर्ती चे डोहाळे गाजले.
स्वर्गी स्वागतासाठी देव-दानव झुकले ;
शिवराय सगळ्यांसाठी दीपस्तंभ ठरले.