'देशी' ब्रँड

देशात आता स्वदेशीला

विदेशीचा पर्याय रेडी आहे;

शाम्पू, किराणानंतर पतंजलीची

वस्त्रोद्योगात उडी आहे.

विदेशीला पतंजलीच्या देशी

ब्रँडची बाजारी रंगरंगोटी;

स्वदेशीचे प्रतीक म्हणून

रामदेवबाबांच्या कमरेला लंगोटी.

'योगा ते उपभोक्ता' असा

बाबांचा प्रवास वंदनीय;

महिलांसाठी पतंजलीचा

'आस्था' ब्रँड अभिनंदनीय.

पतंजली खादीनंतर आलीय

देशी 'जीन्स'ची लाट;

धनत्रयोदशीला पतंजली स्टोअरचा

दिल्लीत उद्घाटनी थाट.

खऱ्या राष्ट्रप्रेमाने भारावलेला

दुसरा बाबा पाहिला नाही;

पतंजलीचे कोणते 'प्रॉडक्ट' येईल

याचा नेम राहिला नाही.

विदेशीपेक्षा स्वदेशीवरच 'प्रेम'

आपले वाढले पाहिजे;

पतंजलीने यासाठी देशी

'डिझेल-पेट्रोल' काढले पाहिजे.

'अध्यात्म व राजकारण'

झालेय एकमेकांत 'मिक्स';

हे दुसरे तिसरे काही नसून

आहे 'आर्ट ऑफ पॉलिटीक्स'