चिमणी पाखरं
चिमणी पाखरं
1 min
609
आर्त भावना गाती गाणी
चिमणी पाखरं गेली उडूनी
आस मनाला लागे वेडी
येतील घरी पुन्हा परतुनी
घरात गोकुळ सजले होते
घर माझे गजबजले होते
आज सुन्या त्या झाल्या खोल्या
घरटे रिकामे झाले होते
घास पिलांना देण्यासाठी
देह झिजवला सारा मी
बळ पंखांना दिले उडाया
दूर सोडुनी गेली ती
सैरभैर हे मन रे झाले
दाही दिशांना घेई धाव
परतुनी या रे भेटाया मज
नको सोन्याच्या घासाची हाव
श्वास चालला देहातूनी या
धूसर सारे जग झाले
या ना परतुनी पाखरांनो तुम्ही
भेटीस व्याकुळ मन झाले