बहुपेडी स्त्री

जन्म देतसे माऊली मजला

अवघड कळा वेणा सोसूनी

जोजविले वाढविले शिकविले

अनंत कष्ट यातना भोगूनी

मोठी बहीण माझी ताई

प्रेमाने मज न्हाऊ घालते

गाणी गोष्टीत मज रमवूनी

शिस्तीमधे अभ्यासही घेते

सखी माझी जीवाभावाची

गूज मनीचे मज सांगते

चिंचा बोरे खिशात भरुनी

मजसवे गप्पा मारत खाते

सखी सहचरी जीवनाची

सर्वस्व पतीस अर्पिते

प्रेम मनोभावे करुनी

संसारनौका तारते

छोटीशी बबूडी माझी

पायी पैंजण छुमछुमती

प्रेमाने मज मिठी मारता

स्वर्ग अवतरे भूमीवरती