भाषा डोळ्यांची

मी पाहिली तुझ्या डोळ्यात अबोल प्रतिमा

माझी नजरेस नजर भिडता माझ्याही डोळ्यात होती प्रतिमा

तुझी डोळ्यांची भाषा डोळ्यांना कळली नकळत हृदयाची स्पंदने जुळली

मनाने मनाला साद घातली ओठांच्या स्मित हास्याने दाद दिली

हातांनी हाताची मैत्री केली अलगद प्रीत काळजात फुलली

स्वप्नांची मग मैफिल भरली भावना मनातली जणू व्यक्त झाली

उघड्या डोळ्यांचे ते प्रेम आंधळे सुखदुःखाशी नाते जुळले

भविष्याचे ना विचार सुचले कळेच ना प्रेम हे कसले जुळले

जन्मोजन्मीचे नाते संसाराचे जे स्वप्न फुलविले

माप ओलांडून त्याचीच झाले नावाला हि नाव जोडले अमर असे हे प्रेम घडले