मन

रे मना कुठे कुठे तू फिरे

पाहिले जे तू नाही कोणा दिसले

घेतोस उंच भरारी कोणत्याही क्षणी

स्थिर कधी कुठे ना गाव तुझे वसले

लपवून सुखदुःखाच्या खुणा हृदयात

होतात तीव्र वेदना आठवणीत

तू असा रमतो घालीत राहतो साद कुणा

मनामनाचे नाते गुंफले मनीच्या भावना डोळ्यात

तुझ्या ओठांनी जरी शब्द शिंपले

ओढ मनी भेटीची तुझ्या मन असे का उतावळे

थांबत नाही विचार तुझे कसे मांडू भाव मनीचे

अबोल नेहमी नयन तुझे ऐक तू माझ्या मना

नको शोधू तू जुन्या खुणा

ज्या वाटेला अर्थ नसे त्या

गावी तू जाऊ नको ना