Library
Profile
भारतमाते तुझ्यासाठी
भारतमाते तुझ्यासाठी
1 min
45
भारत माते तुझ्या
रक्षणा अर्पीन मीही प्राण
शत्रुसंगे झुंजही घेईन
माय पित्याची आण
तुझ्या सावलीत जगलो रमलो
घेतला सुखाचा श्वास
तिरंगा लहरावा उंच नभी
ही एकच मनीची आस
दावून देईल जगताला मी
वाढवेल तुझी ग शान
शत्रुसंगे झुंजही घेईन
माय पित्याची आण
एक बाजूला ड्रॅगन पिवळा
एक बाजूला हिरवा राक्षस
सतत काढती तुझी खोडी
घ्यावया टपले तुझा घास
ठेचून टाकीन त्यांची नांगी
युद्धी दाविन त्या आसमान
शत्रुसंगे झुंज ही घेईन
माय पित्याची आण
शत्रुसंगे लढता-लढता
कधी मजसी मृत्यूही येईल
एकास दहा हे माप ठेवुनी
कुशीत तुझिया अमरच होईन
मरतानाही हाती तिरंगा
गाईन तुझेच गान
शत्रुसंगे झुंजही घेईन
माय पित्याची आण
