भाग्य की प्राक्तन

त्या क्षितीजाच्या टोकावर काही 

खूणा अस्ताव्यस्त पसरल्यात आणि

काही विखुरलेले श्वासही

तिथंच जवळपासच घुटमळताना दिसले

त्याच्या नकळत वेध घेत असताना

असं लक्षात आलं 

तूही तिथंच राहून 

निशःब्द छायेला कवटाळून न्

शांततेच्या गुहेतच राहून

स्वतःच स्वतःच्या परिघातून मुक्त होऊ पाहतेस आहेस

आणि ओंजळ सुखाची 

आकाशाला अर्पण करतेयस

विखुरलेले श्वास कुठल्याश्या

समांतर रेषेत आणण्यासाठी 

केविलवाणी धडपड करतेयस

तुझी ती सारी धडपड 

इथं उभारून अनुभवतोय

तुझी तिथली धडपड आणि 

माझी इथली धडपड

खरंच समांतर आहे

याला म्हणावं तरी काय ??

भाग्य ...

प्राक्तन ...

की

आणखी काही ......