अरे पाऊस पाऊस
अरे पाऊस पाऊस
1 min
14K
अरे पाऊस पाऊस
का रे झाला तू ऊदास
तुह्या नावानं रडते
साऱ्या गावात माणसं...।।धृ।।
वाट पाहूनं पाहूनं
बाप महा रे थकला
तुह्या अवेळी पणानं
त्यानं माथा रे टेकला
बाप भजतो देवाला
माय करी उपवास...अरे पाऊस
कधी येतो वादळात
जसा हुंदळ्या मारीत
चम चम करे ईज
जोर धरे अंगणात
बाप निजतो जागतो
हात जोडीतो मेघास...अरे पाऊस
काळ्या मातीचं ढेकूळ
ओलं होईना रे कसं
माय मही सकाळीच
बोले देवाला नवस
बाप पाहे नभाकडे
माय पूजती तुळस...अरे पाऊस
उभा बाप बांदावरं
सारं राखतो शिवारं
आल्या गेल्या पाखराला
नाही कळतं दुपारं
चार दाणं टिपायाला
रोज धरी कणसास...अरे पाऊस