अनुभूती !

मी मीच आहे ; तू तूच आहे . . .

मी तुझ्यात आहे . . तू माझ्यात आहे . .

प्रकाशात अंधार आहे, अंधाराला प्रकाश आहे. .

दोघे मिळून एक अनुभूती आहे. . .

लहानपणी खेळण्यात नाती मांडायचो.. आता नात्याचा खेळखंडोबा घडवतो . . .

लहानपणी खेळाचा डाव होता; आता डावाचा कट आहे . . .

लहानपणी मिळणाऱ्या हक्काने आनंदाने बधिर व्हायचो ,

आता पाहतो तर लोकं बधिर फक्त पैशासाठी होतात. . .

रंग, वर्णभेद मी लहानपणीच मोठ्यांच्या तोंडून शिकलो

फक्त कोणाकडूनच शिकलो नाही ते...कठीण काळातही भावनांच

Advertisement

ी कदर करणं. . .

रूप हे केवळ काही काळापूर्तीच मर्यादित असतं

फक्त मर्यादित नसतं ते माणसावर केलेलं प्रेम. . .

शेवटी खरा निरागसपणा तो लहानपणी आणि

आयुष्याची साथ लागते ती फक्त म्हातारपणी. . .

मधल्या काळातल्या शिदोरीत फक्त

योग्य ते कर्म करावे दुसरं काही नाही. . .

दोन्हींमधलं अंतर एक दांडगा अनुभव

आणि एक निस्सीम अनुभूती आहे. . .

लोकांना वाटतं देवासमोर दोन अगरबत्ती लावून अनुभूती मिळते

त्यांना हे नाही कळत की अनुभूती केवळ आणि केवळ आपल्या भक्तीत आणि श्रद्धेत आहे . . .