अंकुर-एका मुलीचा आईकडे प्रवास

एका घरातली 'पणती' एक 'लक्ष्मी' बनून दुसरं घरं उजळते,

आणि ती लक्ष्मी त्या घराचा पाया बनते...||१||

पाया घट्ट करून हळूूहळू ती 'शिखर' गाठते,

एक दिवस घराला एका नवांकुरची चाहूल देते...||२||

मुलगी असते तेव्हा 'अल्लड' असते,

आई होणार समजताच हळूहळू समजूतदार होते...||३||

पहिला अंकुर असतो तो म्हणून थोडी काळजीत असते,

काही स्वतःच्या सवयी अंकुरासाठी हसत हसत सोडते...||४||

एक शरीर दोन जीव तिला सगळं माहीत असूनही त्यावेळी ते खूप कुतूहलास्पद वाटते,

आई होण्याची ती पायरी तिला खूप मजबूत बनवते...||५||

आईला समजून सांगाव्या लागणाऱ्या गोष्टी आता ती नकळतच ओळखू लागते,

आई सोबत असताना स्वतः आई होण्यात तिला जग खूपच सुंदर वाटू लागते...||६||