ऐक सखे

ऐक सखे सांगतो मी

गुज हे माझ्या मनीचे

मिलनाची येताच घडी

धडधडे हृदय कधीचे

फुलवूया दोघे मिळूनी

संसार वेल जीवनाची

साथ देऊ सुखदु:खात

घडी सुखी मिलनाची

प्रीतीचा बहर अंगणी

सुटावा मंदधुंद दरवळ

होताना समरस दोघेही

नको करूस खळखळ

आणिला प्रेमाने तूजला

जाईचा सुगंधी गजरा

आलो भेटण्यास सजनी

चुकवूनी साऱ्या नजरा

राहूया सुखात गं सखी

अखंड प्रेमात एकजुटीने

नको विसरू क्षण सुखाचे

होईल दु:खच ताटातुटीने