आठवणीतील गाव
आठवणीतील गाव
1 min
152
माझ्या गावाकडची गं वाट
चहूबाजूनी झाडी दाट
नागमोडी रस्ता तुडवी
उंच डोंगर आणि घाट
काजू-फणसाची बाग
आंब्यांच्या गं राई
जांभळी वर धावते
सानुली खारुताई
गावाच्या गं वाटेवर
शेत-शिवारं डोलतं
ताडा-माडांच्या संगे
उंच नारळी झुलते
पाटामधून वाहते
झुळझुळ गार पाणी
वाऱ्यासंगे गाती पाने
रानपाखरांची गाणी
गावाकडची गं माणसे
अशी साधी अन भोळी
काट्या-कुट्याने भरली जशी
आंबट-गोड करवंदीची जाळी