आमचं आयुष्य

एक स्त्री म्हणून जगताना

आमचं आयुष्य उलघडाव

मुलगी म्हणून आईवडीलांनी

आम्हाला पुरेपूर घडवाव

लहानपणी तळहातावरल्या

फोडाप्रमाणे जपाव

खेळता खेळता कधीतरी

आईच्या पदराआड लपाव

शाळा काॅलेजात जाताना

धडधडे आईचे काळीज

माझ्या लेकरावर कधी

नराधमांची पडू नये वीज

सौंदर्य हा दागिना आम्ही

कसा जपावा जिवापाड

रहाव का सदा आम्ही

घरातल्या पडद्याआड

सारी स्वप्ने ठेवावीत का

पोतडीत गुंडाळून

सुरुंग लावावा का त्याला

सारे काही कळून

बंद करावे का काळ्यांनी

उमलायचे आता

का कुढत जगावे तीने

फूलाकडे पाहतापाहता

प्रत्येक घरात उमलते हो

अशी नाजूक कळी

नका खूडू तुम्ही अशी

तिच्या गालावरली खळी