आला आला गणराया

गणेश चतुर्थी , आगमन झाले

सकल भक्त हे , नाचाया लागले

किती कसे सांगू , आनंदी रंगले

भक्तिप्रेमाचे हे , मीलन जाहले

गजानना तव , रुप मनोहर

चिंता हरविसी , तूचि विघ्नहर

संकट कोरोना , येई जगावर

तारणकर्ता तू , सहाय्य तू कर

विद्या नि कलांचा , तूच अधिपती

संकट विघ्नांना , तूच हरविसी

बुद्धीदाता तू , पेच सोडविसी

संकटामधूनी , मार्ग दाखविसी

 श्रद्धा हो भक्तांची , आहे मनोमनी

हरशील चिंता , विघ्ने हरवूनी

प्रसन्न वदने , आरोग्य देऊनी

सकल जनता , सांगे विनवूनी