आई सुखावली...

नातं हे इश्वरी निर्मिती नव जीवनाची ,

हाडामासांचा गोळा येता आकाराला डोळ्यांचे पारणे सुखावली...

ऊब त्या मायेची पंखांखाली पिले झाकली ,

परतली घरट्याला घास पिलांमुखी देऊन सुखावली ...

ममतेचा घास पोटी चोचीत देता चोच तिच्या,

हृदय पिळून मायेची पाखर घालता पिले सुखावली...

अंतर तुझ्या माझ्यात नाही बाळा कधी ,

नाळ काळजाला काळजाची स्तनपान देता सुखावली...

आईपणांचा प्रवास कुठे नाही त्याचा अंत ,

होता जन्म लेकरांचा त्यांच्या बोबड्या बोलांने सुखावली...

दुनियेशी भिडली कधी लेकरांला पाठीशी घालून,

लाख गुन्हे तरी माफी तिची प्रार्थना लेकरांसाठी करता सुखावली ...

नातं हे इश्वरी निर्मिती नव जीवनाची ,

हाडामासांचा गोळा येता आकाराला डोळ्यांचे पारणे सुखावली...