आहे कवी मी

तेजस्वी सुर्यालाही जे दिसत नाही

ते पाहू शकतो मी सर्व काही

म्हणूनच सारे म्हणती जगी

जे न देखे रवी ते देखे कवी

असा मी असामी 

होय , आहे कवी मी

माझ्या लेखणीची धार

करी भल्याभल्यांवर वार

तळपत्या तलवारीही लाजती

रचनेपुढे माझ्या सारेच झुकती

असा मी असामी

होय , आहे कवी मी

कवितेत माझ्या असती सर्व अलंकार

सुवर्णाहूनही चमके माझे शब्दभांडार

शब्दसंपत्ती हीच माझी श्रीमंती

वाचकांची सदा मिळे मज पावती

असा मी असामी 

होय , आहे कवी मी

मजवर असे नैतिक जबाबदारी 

समाजास आरसा दाखविण्याची

कवितेत असे ताकद माझ्या

बांधवाना प्रेरणा देण्याची

असा मी असामी

होय , आहे कवी मी

कविता हीच माझी आशा

कविताच माझ्या जगण्याची दिशा

वैभवच असती मज माझे शब्द

कवितेतच उजळे माझे प्रारब्ध

असा मी असामी

होय , आहे कवी मी

होय , आहे कवी मी