आभाळा देतोस का एक दान
आभाळा देतोस का एक दान
1 min
216
आभाळा देतोस का एक दान
कर तुझीया धारांची बरसात
होऊ दे शेत हिरवंगार
माझी लहानगी रोपटी
आसुसली रे तुजसाठी
मरणाच्या वाटेवर आहेत बिचारी
दे ना त्यांना जीवनदान
आभाळा देतोस का एक दान
कर्ज वाढलं रे डोक्यावरचं
डोंगर झालाय आता
घरी नाही अन्न-दाना
अन् तुझाही लागेना पत्ता
कसं करावं? काय करावं?
चिंतेत मन झुंझत राही
निराशेच्या विळख्यात फसत जाई
आभाळा देतोस का एक दान
होईल रे माझं शेत हिरवंगार
आभाळा देतोस का एक दान