વ્હાલુડા
વ્હાલુડા
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
242
તારી એક ડગલી-પગલીને ખાતર,
આ શરીર પર મૂકાઈ કૈક કેટલીય કાતર.
હસતાં મોઢે વિતાવી વેદનાંની રાતો,
કલ્પી તારી કેટલીય સુંદર વાતો.
કંકુના મે તો મૂક્યાં કાગળ,
ભીની આંખે ભીખ દેવ આગળ.
છ દિવસનો સાથ રાખી,
વ્હાલુડા તે'તો આંખ મીંચી નાંખી.
પથ્થર એટલા દેવ કર્યા,
ઓરતા તોય અધૂરા ઠર્યા.
જીવનાં કટકા જીવ છોડી ચાલ્યો,
જીવતા જનનીને મારી ચાલ્યો.